Жақында Жамбыл облысында роботтар құрастырудан мектеп оқушылары мен колледж студенттері арасында байқау өтті. Jameco Robotics Challenge деп аталған жарысқа әр ауданнан келген 30 команда қатысты. Тараз қаласы Зияткерлік мектебі атынан барлығы 7 команда сайысқа түсіп, оның 5-і жүлделі I, II  және III орындарды жеңіп алды. Оқушыларымыздың құрастырған роботтары 4 кезең бойынша сыналып, нәтижесінде үздік роботтар қатарынан табылды.

Информатика пәні мұғалімдері Әкім Аңсар және Еркебек Богданның жетекшілігіндегі келесі оқушылар жеңімпаздар қатарынан орын алды.

I орын – Серикбай Абзал, Ахметов Азамат, 7 сынып оқушылары, Line follower номинациясы бойынша;

I орын – Күнту Дулат, Тұрғынов Бексұлтан, 11 сынып оқушылары, Кегельринг номинациясы бойынша;

II орын – Дүйсебай Ернар, Ескендір Әділет, 11 сынып оқушылары, JRC Missions номинациясы бойынша;

III орын – Сейфулин Әділхан, Қажымұхан Азат, 7 сынып оқушылары, Сумо номинациясы бойынша;

III орын – Мағзым Ермахан, Раисов Бекнұр, 11 оқушылары, JRC Missions номинациясы бойынша.

Экономика және ақпараттық технологиялық колеждінің ұйымдастырумен өткен байқаудың мақсаты облысымыздың робототехникаға қызығушы ең үздік ойыншыларын анықтау және бір ортаға жинау болатын.