Бүгін облыстағы бес жетекші оқу орындары директорларының Тараздағы Зияткерлік мектептегі тағылымдамасы мәресіне жетті. Байзақ, Жамбыл, Жуалы, Қордай аудандары мен Тараз қаласындағы мектеп басшыларын бір ортаға жинаған шара аптаны қамтыды.
Арнайы жобада атап айтсақ, аудандардағы Ғ.Мұратбаев, Б.Бесбаев, Д.Қонаев атындағы мектеп-гимназиялары, №1 мектеп-гимназиясы, сондай-ақ, қалалық №41 А.Пушкин атындағы мектеп-гимназия директорлары тәжірибе шыңдады.
Назарбаев Зияткерлік мектебінің даму жоспарынан бастап, оқушының оқу жетістігін бағалау, кітапхана ісі, оқушыға кәсіби бағдар беру, психологиялық қолдау қызметі, мұғалімнің кәсіби даму бағыты, іс-әрекетті зерттеу, тәрбие жұмысы жобалары және басқа да салалар бойынша әдістемелік қолдау алды.
Әр күннің екінші жартысында сабақтарға қатысу арқылы теориялық білімдерін тәжірибемен ұштастырды. Күн соңында Зияткерлік мектеп басшыларымен бірге естіген-көргендеріне талдау жасады.
– Тағылымдаманың әр күні ойыма жаңа идеялар мен жобалар келіп жатты. Оларды үнемі дәптеріме жазып алып жүрдім. Мектебіме үлкен жоспарлармен оралудамын. Тезірек соларды жүзеге асырып, мектептің қызмет бағытын жаңа арнаға бұрғым келеді, – деді Б.Бесбаев атындағы мектеп-гимназия директоры Гүлнар Сыздыкова
Сонымен қатар, директорлар тарапынан бірқатар ұсыныстар да айтылды. Олардың ішінде дәл осындай тағылымдама мектеп басшыларының орынбасарларына да өткізілсе деген тілек болды.
🌱Халықаралық деңгейде тәжірибе алмасу. Осы жылдың тамыз айында қазақстандық делегация «Science on Stage Europe 2024» халықаралық STEAM мұғалімдер фестиваліне қатысты. Ұлттық делегация құрамына биология пәні мұғалімі Инна Валерьевна Аксёнова кірді, ол 2023 жылы халықаралық қазылар алқасымен ұлттық іріктеу кезеңінің жеңімпазы ретінде танылды. Инна Валерьевна халықаралық мектеп қауымдастығына өзінің «SMART WALL» авторлық жобасын ұсынды. Фестиваль аясында […]
🌱 Тараз NIS педагогтері халықаралық “WALS-2024” конференциясында. Қазақстан ТМД елдерінің ішінде бірінші болып Дүниежүзілік сабақты зерттеу қауымдастығының (World Association of Lesson Studies) халықаралық конференциясын өткізді. Ауқымды шара 30-ға жуық мемлекеттен келген танымал сарапшылар, ғалымдар, практик педагогтердің басын қосты. Астаналық WALS-2024 конференциясы заманауи педагогикадағы стратегиялық тренд «Сабақты зерттеу: үздік оқу мен оқытуға ұмтылу» тақырыбына арналған. Ұстаздарымыз жаһандық […]
🌱NIS оқушылары әлемде жоқ ақылды құрылғы ойлап тапты. Зияткерлер бірден екі жобаны ұсыну арқылы 2 млн жеңісті жобаларды қорғап шықты. 🌟 Ең алдымен 3 орынды иеленген Umit жобасы – мүмкіндігі шектеулі жандардың тәуелсіздігіне арналған инновациялық шешім! 🌟 Зияткерлер тілді қолдана отырып, цифрлық технологияларды басқаруға мүмкіндік беретін ерекше протез жасап шығарды.Енді ноутбук, телефон, кондиционер, теледидар, тіпті мүгедек арбасы да құрылғы арқылы толық басқаруға болады. Бұл – болашаққа жасалған қадам, онда технологиялар өмірді жеңілдетіп, қолжетімді етеді! Кезекті 3 орын Beelieve командасына Smart bee Hive жобасымен берілді — ара колонияларының денсаулығын сақтауға және бал өндірісін жақсартуға көмектесетін ақылды ара ұясы. Samsung-пен бірге біздің жобалар мыңдаған адамның болашағын өзгертеді деп сенеміз. Алға, жаңа жетістіктер мен инновациялар жолында! 🚀
📌 “Kiva буллингке қарсы бағдарламасын енгізу” тақырыбында аймақтық тренерлер педагогикалық кеңес өткізді. Жиын барысында қызметкерлерге толық түсіндірме жұмыстарын жүргізумен қатар, түрлі эмоциялық ойындар ұйымдастыру арқылы бағдарламаның маңыздылығын түсіндірді. Буллинг жағдайларындағы әрекеттер, хабарландырулар, пилоттық мектептерді оқыту, көмек көрсету сондай-ақ Kiva сабақтарының жоспарымен толықтай бөлісті.
Техническая консультация НИШ ФМН г.Тараз. Выберите удобный для Вас способ связи.
