Астанада оқушылар үшін ауқымды ғылыми алаңға айналған “Болашақтың қаласы: Астана архитектурасы” атты VIII Наурыз кездесулері өз мәресіне жетті. Дәстүрлі ғылыми шара Назарбаев Зияткерлік мектептері, сондай-ақ жалпы білім беретін мектептерден келген 200-ден астам оқушының басын қосты.

Қатысушылар Астана архитектурасына арналған 90 жоба ұсынды. Жобалар ақылды және қауіпсіз қала, 2050 жылғы Астананың футуромоделі, жасыл энергия және экологиялық таза технологиялар, архитектурадағы хай-тек тақырыптарын қамтыды.

Сондай-ақ, көктемгі кездесулер шеңберінде белгілі қазақстандық және шетелдік сәулетшілер дәріс оқыды, олардың ішінде Қ. Сәтпаев атындағы ҚазҰТУ Сәулет және құрылыс институтының директоры Болат Құспанғалиев, ҚазБСҚА ректоры Ерік Бесімбаев, ҚР мемлекеттік сыйлығының лауреаты, “Хазірет Сұлтан” мешіті және “Триумфальная арка” жобаларының  авторы Сағындық Джамбулатов, “Астана Жұлдызы” және “Бәйтерек” жобаларының авторы Саматбек Бөкебаев болды. Айтулы шараның арнайы қонағы ретінде “Sergio Ferrandi Bureau” бас сәулетшісі,  италияндық Серджио Ферранди келіп, “Smart cities: Еуропа және Қазақстан” атты интерактивті дәрісін оқыды.

Сегізінші рет өткізіліп отырған дәстүрлі кездесуде Тараз қаласы Назарбаев Зияткерлік мектебінің оқушылары келесі нәтижеге қол жеткізді:

Қайраткызы Айгерім, 12-сынып оқушысы – ІІІ дәрежелі диплом, “High Tech city Astana”  номинациясы бойынша, Кіші сәулет нысаны: “Семирамида” жобасы (жетекшісі – Мусарова В. А., биология мұғалімі);

Мұқанов Диас, 10-сынып оқушысы – диплом, “Үздік архитектуралық шешім” номинация бойынша, “Тұрақтың автоматтандырылған шлагбаумы” жобасы (жетекшісі – Жұмағалиев С. М., информатика пәні модератор-мұғалімі);

Смат Айдана, 10 сынып оқушысы – диплом,”Үздік жасыл ғарыш” номинациясы бойынша, “Отбасы” мүсіндік ансамблі жобасы (жетекшілері – Пак Е. Л., өнер пәні сарапшы- мұғалімі, Есбулганова А. Ш., өнер пәні мұғалімі);

Оңласын Саяжан, 9-сынып оқушысы – диплом, “Үздік түпнұсқа прототипі” номинациясы бойынша, “Көркем” өнер орталығы жобасы (жетекшілері – Пак Е. Л., өнер пәні сарапшы- мұғалімі, Есбулганова А. Ш., өнер пәні мұғалімі).