Тараздағы Назарбаев Зияткерлік мектебі өрендерінің зерттеу жұмыстары «Дарын» республикалық ғылыми жобалар конкурсында жүлделі орындарды жеңіп алды.
Байқаудың «Өлкетану» бағыты бойынша «Перспективалы туристік маршрут: Ботамойнақ-Тараз қалашығы» жұмысын ұсынған 12-сынып оқушылары Балнұр Ибраш пен Аружан Жақсылық күмістен медаль тақты. Зерттеуші қыздардың жұмысына мектептің тарих пәнінен сарапшы мұғалім Любовь Исатаева жетекшілік еткен.
Қола медальді 12-сыныпта оқитын Абылай Сыдықов пен Анелия Әбдімәліктің «Техника» бағытындағы «Covid-19 клиникалық симптомдарының көрсеткіштерін бақылау жүйесі» зерттеу жобасы иеленді. Өнертапқыштар өз зерттеуін физика пәнінің сарапшы мұғалімі Мирлан Джусамбаев пен IT маманы Максим Рыбалкиннің басшылығымен жүргізді.
Білім сайысына қатысып бағын сынаған 11-сынып оқушысы Алтынай Сауранбаева зерттеушілік белсенділігі үшін грамотамен марапатталды. Осылайша білім ордасының жетістіктер қоржыны тағы да екі медальмен толықты.
– Мектеп ұйымдастыратын көптеген экспедициялар мен тауға саяхаттаулардың арқасында біз өлкетану бойынша зерттеу жұмысымен айналыса бастадық. Әлемде болып жатқан жағдайды ескере отырып, отандық туризмді одан әрі белсенді дамыту қажет деп есептейміз. Өкінішке орай, көптеген адамдар Қазақстанда, атап айтқанда біздің облыста таңғажайып орындар мен киелі нысандардың бар екенін біле бермейді. Осы жобаны зерттей отырып, біз тарихтан ғана емес, сонымен қатар география, химия, биология және информатика пәндері бойынша білімімізді тереңдеттік, – деп атап өтті күміс жүлдегерлер Балнұр мен Аружан.
Тараздағы NIS оқушылары XIX «Зерде» республикалық зерттеу жобалары мен шығармашылық жұмыстары байқауында жүлделі болды. 2–7-сынып оқушылары арасында өткен сайыста біздің зияткерлеріміз жаратылыстану-математика бағытта бақ сынады. Нәтижесінде, информатика робототехника Stem инженерия секциясынан Ақылбекұлы Даниал І орын және дәл осы бағытта Тындыбеков Альмухаммед І орын еншіледі. Жетекшілері: Джусамбаев М.Т және Елибаева А. Талаптарыңа нұр жаусын!
Жақында «Рухани жаңғыру» бағдарламасы аясында Әл-Фараби атындағы ҚазҰУ-дың 90 жылдығына арналған «ЖАС ӘЛ-ФАРАБИ» атты мектеп оқушыларының ғылыми-зерттеу жұмыстарының Х республикалық конференциясында Тараздағы НЗМ-нің оқушылары жүлделі орын мен алғыс хаттармен марапатталды. Конференция нәтижесінде Тәжіхан Қанат және Қалдыбай Барысхан І-орынды иеленді. Байқауға ұсынылған “Smart Trash Bin” жобасы. Оқушыларды үнемі үздік жобаларға дайындайтын жетекшілері: Рыбалкин М.А және Қасқарбаев […]
Астана қаласындағы халықаралық бакалавриат Назарбаев Зияткерлік мектебінің оқушыларының өзін-өзі басқару ұйымының ұйымдастыруымен өткен байқауда, мектебіміздің оқушысы Тәжіхан Мади жүлдеді – ІІ орынды жеңіп алды🔥 Екі кезеңнен құралған байқау «Күнделікті тапсырмаларды автоматтандыру» тақырыбында өтті. Іс-шараның негізгі мақсаты – автоматтандыру саласына қызығушылық пен дамуды ынталандыру, елдегі дизайн және IT бастамаларының өсуіне ықпал ету, сонымен қатар қатысушылардың өмір […]
Алматыда Haileybury мектебі базасында география және информатика пәндерінен республикалық олимпиаданың қорытынды кезеңі өтті. Олимпиадаға Назарбаев Зияткерлік мектептерінен қатысқан 22 оқушының барлығы жүлделі орындарға ие болып, NIS қоржыны 7 алтын, 10 күміс, 5 қола медальмен толықты. Соның ішінде Асылхан Смет-Географиядан күміс медаль; Әбдіманап Ермахан-Информатикадан қола медаль иегерлері атанды. Айта кетейік, республикалық олимпиадаға география және информатика пәндері бойынша […]
Техническая консультация НИШ ФМН г.Тараз. Выберите удобный для Вас способ связи.
