Тараздағы Назарбаев Зияткерлік мектебі облыстық оқу-әдістемелік кабинетімен бірлесіп озық тәжірибені таратуға арналған жоспарлы семинар-практикумын өткізді. Жиынға облыстың барлық аудандары мен қала мектептерінің мұғалімдері қатысты. Мектеп басшылары мен педагог қызметкерлерінен құралған жалпы саны 700-ге жуық педагог қамтылды.
Бұл жолғы семинарда Зияткерлік мектеп педагогтары ғана емес, ауыл мен аудан ұстаздары да өз тәжірибелерін ортаға салды. Олар бірлесе отырып табысты мектеп жүйесін құрудағы көшбасшылық, бөлім бойынша және тоқсандық жиынтық бағалау тапсырмаларын әзірлеу, сонымен бірге, бағалау құралдары, қалыптастырушы бағалаудың негізгі міндеттері мәселелерін талқылады.
Өңірдегі Меркі ауданының №5 мектеп-гимназиясының директоры Нуриля Қойшыманова жеке тәжірибесінен алынған «Табысты мектеп жүйесін құрудағы көшбасшының рөлі» тақырыбында ой өрбітті. Оқу орнының басшысы қарапайым орта мектепті гимназия статусына көтеру жолында қолданған бірнеше тиімді әдістерін айта кетті. Солардың бірі мектептің дамуына бағытталған 45 қадамдық авторлық жоба «Ақарал прогресс» моделі көрсетілді.
Семинарда өздерінің құнды тәжірибелерімен Жамбыл аудандық Б.Бесбаев атындағы мектеп-гимназиясының мұғалімдері Айгүл Қалмаханова және Нұржан Дубанов бөлісті. Бірер апта бұрын «Қазақстанның еңбек сіңірген ұстазы» құрметті атағына ие болған Қалмаханова Айгүл Базарбайқызының «Бағалау құралдары: оқыту мақсаттары, бағалау критерийлері, ойлау дағдыларының деңгейлері, тапсырмалар, дескрипторлар» баяндамасы қатысушылардың ерекше қызығушылығын оятты. Тәжірибелі мұғалім аудиториямен интербелсенді қарым-қатынасқа түсіп, тақырыпты астарлы сұрақтар қою арқылы түсіндірді.
Зияткерлік мектеп директоры Тимур Нуркешов және орынбасары Жанат Алтаев білім процесі қатысушыларының арасындағы келіспеушіліктерді реттеудегі көшбасшылықтың маңыздылығы жөнінде баяндады. Осы орайда, қалалық №38 мектебінің мұғалімі Гаухар Тәжібаева: «Келесі кездесуде сыныптағы көшбасшылықты дамыту тақырыбында ой бөліссеңіздер» деген ұсынысын айта кетті.
Сондай-ақ, Зияткерлік мектеп мұғалімдері: Г.Жусипназарова, А.Дарменбаева, К.Тортаев, О.Ключанцева химия және физика пәндерінен бөлім бойынша және тоқсандық жиынтық бағалау тапсырмаларын әзірлеуге қатысты практикумдар өткізді. Берілген тақырыпты ұстаздар тыңдаушыларға түрлі тапсырмалар мен мәселелерді шештіру арқылы аша білді.
– Зияткерлік мектептегі әріптестеріміздің көмегімен жаңартылған білім беру мазмұнын тиімді пайдалану бойынша өз пәнімізге қажетті мағлұматтарды алдық. Әсіресе критериалды бағалау бойынша сұрақтарымызға толық жауап берілді. Семинар тиімді өтті деп есептейміз, – дейді жиынға қатысқан орта мектеп мұғалімдері.
Тараздағы NIS оқушылары XIX «Зерде» республикалық зерттеу жобалары мен шығармашылық жұмыстары байқауында жүлделі болды. 2–7-сынып оқушылары арасында өткен сайыста біздің зияткерлеріміз жаратылыстану-математика бағытта бақ сынады. Нәтижесінде, информатика робототехника Stem инженерия секциясынан Ақылбекұлы Даниал І орын және дәл осы бағытта Тындыбеков Альмухаммед І орын еншіледі. Жетекшілері: Джусамбаев М.Т және Елибаева А. Талаптарыңа нұр жаусын!
Жақында «Рухани жаңғыру» бағдарламасы аясында Әл-Фараби атындағы ҚазҰУ-дың 90 жылдығына арналған «ЖАС ӘЛ-ФАРАБИ» атты мектеп оқушыларының ғылыми-зерттеу жұмыстарының Х республикалық конференциясында Тараздағы НЗМ-нің оқушылары жүлделі орын мен алғыс хаттармен марапатталды. Конференция нәтижесінде Тәжіхан Қанат және Қалдыбай Барысхан І-орынды иеленді. Байқауға ұсынылған “Smart Trash Bin” жобасы. Оқушыларды үнемі үздік жобаларға дайындайтын жетекшілері: Рыбалкин М.А және Қасқарбаев […]
Астана қаласындағы халықаралық бакалавриат Назарбаев Зияткерлік мектебінің оқушыларының өзін-өзі басқару ұйымының ұйымдастыруымен өткен байқауда, мектебіміздің оқушысы Тәжіхан Мади жүлдеді – ІІ орынды жеңіп алды🔥 Екі кезеңнен құралған байқау «Күнделікті тапсырмаларды автоматтандыру» тақырыбында өтті. Іс-шараның негізгі мақсаты – автоматтандыру саласына қызығушылық пен дамуды ынталандыру, елдегі дизайн және IT бастамаларының өсуіне ықпал ету, сонымен қатар қатысушылардың өмір […]
Алматыда Haileybury мектебі базасында география және информатика пәндерінен республикалық олимпиаданың қорытынды кезеңі өтті. Олимпиадаға Назарбаев Зияткерлік мектептерінен қатысқан 22 оқушының барлығы жүлделі орындарға ие болып, NIS қоржыны 7 алтын, 10 күміс, 5 қола медальмен толықты. Соның ішінде Асылхан Смет-Географиядан күміс медаль; Әбдіманап Ермахан-Информатикадан қола медаль иегерлері атанды. Айта кетейік, республикалық олимпиадаға география және информатика пәндері бойынша […]
Техническая консультация НИШ ФМН г.Тараз. Выберите удобный для Вас способ связи.
