«Білім – асыл қазыналы сандық,  оны ашатын кілті – еңбек», – дейді халық. Әрбір тәрбиеленушіні біліммен қатар  еңбекке баулу – бүгінгі күнгі басты міндет.

«Шебер қолдар» үйірмесінің негізгі бағыты:  оқушыларға қолөнер бұйымдарын жасауды үйрету, әдіс-тәсілдерін меңгерту болып табылады. Үйірме жұмысында дидактикалық материалдар, суреттер, кітапшалар, слайдтар, бейне таспалар қолданылады. Үйірмеде тәрбиеленушілер фетрдан үйге қажетті түрлі бұйымдар, кәдесыйлар, ойыншықтар мен сәнді сөмкелер тігуді үйренеді.

Қатысушылар:

«Шебер қолдар» үйірмесіне  түрлі ою-өрнектерді қию,   тігін тігу техникасына қызығушылық танытатын, қабілеті бар 7-11 сынып оқушылары  қатысады. Тәрбиеленушілер   қолөнерге  икемділіктерін үйірме жұмыстарымен айналыса отырып, толық меңгеруге,  мақсатқа жету үшін түрлі әдіс-тәсілдер қолданады:  дизайнын айқындау,  пішу,  тігін машинасымен жұмыс істеу, ою-өрнек қию, түрлі  моншақтарды желімді пайдалана отырып, ыстық үтікпен жабыстыру.

Бағдарламаның мақсаты: тәрбиеленушілерге фетрден түрлі  бұйымдар жасау технологиясын  меңгерту, қолөнердің бастапқы түсініктері мен дағдыларын  қалыптастыру және еңбекқорлыққа, іскерлікке  баулу.