«SAMGAU» форумы: түлектердің тәжірибесі мен кеңестері

Семейлік NIS-те мектеп түлектері мен оқушылары бас қосты. 2021 жылдан бері дәстүрлі түрде ұйымдастырылатын SAMGAU форумының биылғы жылы «EdGiving ALumni NIS» тақырыбына арналған.

Форумға мектептен әр жылдары түлеп ұшқан 10-нан астам түлек қатысып, жоғары сынып оқушыларына халықаралық оқу орындары туралы кеңінен ақпарат берді. Қазіргі таңда Lingnan University, Назарбаев университеті, Гонконг университеттерінің студенттері Саида Нұрлан, Елизавета Фокина, Алтынай Акаева, Алима Дүйсен жоғары оқу орындарындағы оқу үрдісі, студенттік өмір мен академиялық жетістіктері туралы пайдалы кеңестер ұсынды.

SAMGAU форумы шәкірттеріміздің болашақта білім алу бағытында дұрыс шешімдер қабылдауға және жаңа мүмкіндіктерді тиімді пайдалануға ынталандырары сөзсіз.