Елордалық NIS оқушыларынан қайырымдылық концерті

10 желтоқсан күні елордалық физика-математика бағытындағы Назарбаев Зияткерлік мектебінің 10 және 12-сынып оқушылары “Қоғамға қызмет ету” жобасы аясында “Астана қоғамдық технологиялық бірлестігіне” қайырымдылық концертімен барды.

Оқушылар Қазақстан Республикасының Тәуелсіздік күніне орай емделушілер үшін «Балбырауын» және «Адай» күйлерін орындап, өз өнерлерін көрсетті. Сонымен қатар, мектептің би ансамблі ұлттық би билеп, Санжар Аубакиров заманауи “брейк-дэнс” биімен көпшілікті тәнті етсе, Максат Ашкербеков «Сүйемін» және «Көркемім» әндерін орындап, көрермендердің ыстық ықыласына бөленді.

Шара соңында орталық әкімшілігі оқушыларға алғысын білдіріп, мектеп әкімшілігі мен ұйымдастырушыларға алғыс хат табыстады.