Көкшетаудағы NIS оқушылары IQanat Case Hackathon байқауының жүлдегерлері атанды

Көкшетаудағы NIS оқушылары IQanat Case Hackathon байқауында жоғары нәтиже көрсетіп, өздерінің тың идеялары мен әлеуметтік маңызы бар мәселелерге шешім ұсына алатын қабілеттерін дәлелдеді.

Education Reimagined бағыты бойынша 10-сынып оқушылары Дария Сейтжан, Дамелі Жанбырши, Кәмшат Қосар және 9-сынып оқушысы Инаят Рахметуллинадан құралған команда І орынды иеленді.

Осы санат бойынша 9-сынып оқушылары Адия Әлжан, Ескендір Омарбай, Арлан Темірхан және Рамина Абишева ІІІ орынға ие болды.

Community Challenge бағыты бойынша 10-сынып оқушылары Майра Сағадат, Сафия Ержанқызы және Жамиля Мураткалиева ІІ орын иеленді.

Ал Media for Impact санатында 10-сынып оқушылары Дмитрий Чаленко, Алихан Орынбаев және 8-сынып оқушысы Сауат Булат өздерінің медиажобасын ұсынып, ІІ орынға ие болды.