Арт-терапия: өнер тілімен өрілген ізгі кездесу

Атыраудағы NIS-тің «Батыс» және «Қайрат» шаңырақтарының оқушылары тәлімгерлерімен, бейнелеу өнері пәні мұғалімдерімен және мектеп психологымен бірге №4 арнаулы әлеуметтік қызметтер көрсету орталығына барды. Сапар аясында қарияларға эмоционалдық қолдау көрсетуге және жылы қарым-қатынас орнатуға бағытталған арт-терапиялық сабақ өткізілді.

Кездесу барысында қатысушылар шығармашылықпен айналысып, естеліктері мен сезімдерімен бөлісті. Сабақтың атмосферасы ашық диалогқа жол ашып, өзара құрмет пен қабылдауды қалыптастыруға ықпал етті.

Егде жастағы адамдар үшін арт-терапия шығармашылық арқылы өз сезімдерін білдіруге, назар мен қолдауды сезінуге мүмкіндік берді. Ал оқушылар үшін бұл әлеуметтік өзара әрекеттестік, жауапкершілік және азаматтық ұстанымды дамытуға арналған маңызды тәжірибе болды.

Осындай шаралар ұрпақтар арасындағы байланысты нығайтып, қамқорлық мәдениетін қалыптастырады және адамдық жылулықтың, зейін мен бірлескен шығармашылықтың құндылығын еске салады.