IV Өңірлік конференцияда білім берудегі маңызды өзгерістер талқыланды

2026 жылғы 18 сәуірде Астана қаласы Нұра ауданындағы жаратылыстану-математика бағытындағы Назарбаев Зияткерлік мектебінде «Implement change that matters» IV Өңірлік конференциясы өтті. NIS Инновациялық орталығы ұйымдастырған бұл шара білім беру саласындағы маңызды өзгерістер мен озық тәжірибелерді талқылауға арналған бірегей алаңға айналды.

Шара барысында қатысушылар өз жұмыстарын келесі бағыттар бойынша таныстырды:

• Зерттеулер презентациясы: Педагогикалық тәсілдерді терең талдау және ғылыми негізделген ізденістер.

• Постерлік презентация: Инновациялық жобалар мен әдістемелік идеяларды көрнекі түрде ұсыну.

• Ignite Talk: Спикерлердің ең маңызды инсайттарымен бөліскен серпінді әрі қысқа форматтағы баяндамалары.

Конференцияның негізгі мақсаты — білім беру сапасын арттыруға бағытталған маңызды өзгерістерді енгізу және мұғалімдердің кәсіби қоғамдастығын дамыту. Қатысушылар ұсынылған жобалардың практикалық құндылығын жоғары бағалап, өзара тәжірибе алмасты.