Зияткерлер «Даналық бейсенбі» жобасы арқылы балалар әдебиетінің құндылығын меңгерді

Зияткерлік мектебімізде «Даналық бейсенбі» жобасы аясында Астана Халықаралық университетінің аға оқытушысы, педагогика ғылымдарының магистрі Бағдагүл Жаныбекова қонақта болды. Бұл іс-шара орыс тілі пәні әдістемелік бірлестігінің ұйымдастыруымен өтті.

Кездесу барысында оқушылар өздерінің көркем әдебиетке деген қызығушылықтары мен соңғы оқыған кітаптары туралы әсерлерімен бөлісіп, сүйікті жазушыларының шығармашылығын талқылады.

Бағдагүл Нұрхатқызының айтуынша, гаджеттердің, компьютерлік ойындардың және аудиокітаптардың көптігіне байланысты көркем әдебиет оқу, соның ішінде балалар әдебиеті оқу, қазіргі таңда танымал емес іс-әрекетке айналып барады. Ол ертегі кейіпкерлерін мультфильмдер алмастырып, жазушылар мен ақындардың шебер қолданысындағы көркем құралдарды режиссерлер мен сценаристердің сленгі ығыстырып жатқанын атап өтті. Сонымен қатар, қазіргі ата-аналар балаларға көркем әдебиет орнына PlayStation сияқты құрылғылар сатып алып, Instagram, TikTok, Telegram сынды әлеуметтік желілерді бақылаусыз қолдануға мүмкіндік береді, бұл теріс әсерін тигізуі мүмкін. Қысқа хабарламалар мен визуалды сүйемелдеу арқылы ақпарат алу оңай болғанымен, көркем әдебиет оқудың тәрбиелік мәні зор екенін еске салды.

Содан кейін «Миға шабуыл» әдісімен оқушыларға балалар әдебиетінің пайдасы туралы сұрақтар қойылып, мынадай тұжырымдар жасалды:

• Балалардың әлем туралы түсінігін кеңейтеді;

• Табиғат, заттар мен құбылыстарды таныстырады;

• Оқырмандық талғам мен қалауларды қалыптастырады;

• Логикалық және бейнелі ойлауды дамытады;

• Сөздік қорды, есте сақтау қабілетін және қиялын жетілдіреді;

• Сөйлемдерді дұрыс құруды үйретеді, визуалды сауаттылыққа тәрбиелейді.

«Миға шабуыл» әдісінен кейін «Түлкі мен қарақұйрық» ертегісі талданды. Кездесу соңында оқушылар өз әсерлерімен бөлісіп, Бағдагүл Нұрхатқызына алғыстарын білдірді.