Тараздық НЗМ оқушылары Республикалық ғылыми жобалар сайысында алтын және күміс медальдар жеңіп алды

Толық ақпарат

Санаты:
Жаңалықтар
Жарияланған күні:
16.02.2020
999
700

Тараз қаласындағы Назарбаев Зияткерлік мектебінің оқушылары Республикалық ғылыми жобалар байқауынан алтын және күміс медальдармен оралды.

«Өлкетану» секциясы бойынша Бауыржан Апил мен Ерсұлтан Тұрсынның жобасы бірінші орын мен алтын медальға ие болды. Байқауға олар «Сандық-Қарақыстақ туристік маршрутының келешегі» тақырыбында зерттеу жұмыстарын ұсынды. Үш жыл бойы оқушылар тарих мұғалім-сарапшысы Любовь Исатаева мен география пәні мұғалім-модераторы Жақсыбек Сүлейменқұловтың жетекшілігімен аймақтың табиғи-географиялық ерекшеліктерін зерттеді, Сандық-Қарақыстақ туристік ресурстарына биологиялық-экологиялық, психологиялық-эстетикалық және мәдени-тарихи бағалау жүргізді. Нәтижесінде, Сандық үстірті мен Қарақыстақ жерінің тарихи және табиғи объектілері енгізілген туристік бағыт құрылды.

«Физика» секциясы бойынша екінші орынды Әлижан Шолпанбеков иеленді. Жобаның тақырыбы: «LoRa модуляция әдісі негізіндегі жануарлар мониторингінің автономды құрылғысы». Қазылар алқасының назарына ол ұялы байланыссыз жануардың орналасқан жерін бақылауға арналған желілік генераторды пайдалану мүмкіндігін көрсететін зерттеу нәтижелерін ұсынды.

– Құрылғының ерекшелігі оның желілік генератор арқылы зарядталып, жануарлардың орналасқан жерін 1 метрге дейінгі дәлдікпен желіге кірмей бақылай алуында. Мойынбау шешілген жағдайда смартфон иесіне SMS хабарлама келеді, – деп бөлісті Алижанның жетекешілері физика пәні мұғалім-модераторы Мирлан Джусамбаев пен физика пәнінің мұғалімі Қамбар Тәшенов.

«Химия» секциясы бойынша 2 орын мен күміс медальға Аружан Кенешбекованың ««Имсталькон» «Жамбыл металқұрылым зауыты» ЖШС  қалдықтарынан феррит кобальт (II) негізінде магнит ұнтағын өндіру» атты жобасы ие болды. Аружан феррит кобальт (II) негізінде магниттік материалдарды өндірудің технологиялық картасын әзірледі. А. Кенешбекованың жұмысына химия пәні мұғалім-модераторы Станислав Котов пен химия пәні мұғалімі Ғазиза Жүсіпназарова жетекшілік етті.

Дарина Мухамеджанова «Биология» секциясы бойынша «Тұз күйзелісі жағдайында өсімдіктердің төзімділігін арттыру үшін сорбенттерді инновациялық пайдалану» тақырыбында жобасын қорғап, 2 орынға ие болды. Өзінің ғылыми жетекшісі биолгия пәні мұғалім-сарапшысы Инна Аксеновамен бірге Дарина Жамбыл облысының ауыл шаруашылығы саласындағы өнеркәсіптік сорбенттерді зерттеп, сынақтан өткізді. Оның айтуынша, сорбенттерді пайдалану Оңтүстік Қазақстанның тұздалған және тасты жерлерін қалпына келтіруге ықпал етіп, ауыл шаруашылығы жерлерінің өнімділігін арттыруға жағдай жасайды екен.

– Балалардың жетістікке жетуі 2016 жылдан бастап мектепте қызмет атқаратын «STEAM» оқушылар ғылыми қоғамының (НОУ) жүйелі жұмысының нәтижесінде орын алды. Сондай-ақ күнделікті сабақта оқушылардың зерттеу және көшбасшылық қасиеттері мен сыни ойлау дағдыларын дамытатын барлық мұғалімдердің еңбегі. Сонымен қатар, оқушылар мен олардың ғылыми жетекшілерінің қажырлы еңбегінің нәтижесі, – деді директордың орынбасары Әлия Жусанбаева.

Конкурстың қорытынды кезеңінде 751 жас зерттеуші 590 ғылыми жоба ұсынды. Жеңімпаздар қатарындағы елдің құрама командасы жыл сайынғы ISEF-2020 мектеп оқушыларының ғылыми жобаларының халықаралық байқауында өз жұмыстарын ұсынады.

Қазылар алқасының құрамына жетекші отандық жоғары оқу орындарының: Әл-Фараби атындағы Қазақ ұлттық университетінің, Л. Н. Гумилев атындағы Еуразия ұлттық университетінің, Қазақстан-Британ техникалық университетінің, Қ.И. Сәтбаев атындағы Қазақ ұлттық техникалық университетінің, Халықаралық ақпараттық технологиялар университетінің және басқа да жоғары оқу орындарының ғалым-педагогтары кірді.

ҚР БҒМ I, II, III дәрежелі дипломдарымен марапатталған жеңімпаздар мен жүлдегерлердің Қазақстан Республикасының жоғары оқу орындарында оқу үшін білім беру гранттарын алуға арналған конкурста басым құқығы барын да айта кеткен жөн.

Мектебіміздің ұстаздары “IMPACT Olympiad “ байқауының жүлдегерлері атанды.

8-13 қаңтар аралығында оқу-ағарту министрлігінің қолдауымен Алматы қаласы Республикалық физика-математика мектебінде, математика, физика және информатика пәні мұғалімдері мен олимпиадалық резерв тренерлерінің VI Халықаралық ашық шығармашылық байқауы өтті. Аталған іс-шараға еліміз бен шетелден 400-ге жуық математика, физика және информатика мұғалімдері мен тренерлері қатысты. Байқауда мектебіміздің физика пәні мұғалімі Абдуллаев Бекет Абубакирулы ІІІ дәрежелі дипломмен информатика пәні […]

NIS оқушысы грант иегері атанды!

Тараз қаласы Назарбаев Зияткерлік мектебінің 11”A”сынып оқушысы Анарбек Арсен Мухамедалыұлы Мәскеу мемлекеттік М.В.Ломоносов атындағы университеттің кезекті грантының жеңімпазы. Ломоносов атындағы Мәскеу мемлекеттік университеті Әлем университеттерінің академиялық рейтингі бойынша Ресейлік жоғары оқу орындарының арасындағы үздігі сонымен қатар 97-ші орынды иеленіп, әлемдік 100-дікке енген. Аталған мектеп оқушыларына арналған олимпиада 2005 жылдан бері «via scientiarum» ұранымен өткізіліп келеді, […]

NIS оқушысы грант иегері атанды!

Тараз қаласы Назарбаев Зияткерлік мектебінің 11”Ғ” сынып оқушысы Рахимов Зарифжон Мәскеу мемлекеттік М.В.Ломоносов атындағы университеттің 100% грант иегері атанды. Ломоносов атындағы Мәскеу мемлекеттік университеті Әлем университеттерінің академиялық рейтингі бойынша Ресейлік жоғары оқу орындарының арасындағы үздігі сонымен қатар 97-ші орынды иеленіп, әлемдік 100-дікке енген. Аталған мектеп оқушыларына арналған олимпиада 2005 жылдан бері «via scientiarum» ұранымен өткізіліп […]

«Әулиеата үздігі-2023»

Өңірлік жастар форумында облыс әкімі Ербол Шырақпайұлы үздік деп танылған Әулиеата жастарын марапаттады. Мектеміздің 10 сынып оқушысы Бакирова Ф.Р “Үздік өнертапқыш” номинациясымен марапатталды. “Әулиеата үздігі” облыс әкімінің жастар сыйлығына ие болды. Зияткерлер үздік жобаларымен жоғарғы деңгейді көш бастап тұр. Жеңісті жобалар жалғасуда. Құттықтаймыз

NIS Komek Taraz

Техническая консультация НИШ ФМН г.Тараз. Выберите удобный для Вас способ связи.

Мы на связи и отвечаем в течение 15 минут
Whatsapp
Telegram
Инструкции по работе с MS TeamsСбросить пароль от учетной записиОставить заявку