Тараздағы Назарбаев Зияткерлік мектебі өткізген Денсаулық күніне 1500-ден астам адам қатысты. Мектеп қызметкерлері, оқушылар мен олардың ата-аналары арасында түрлі спорттық ойындар ұйымдастырылды.
Ауқымды жиынды мектеп директоры Тимур Нуркешов ашып, шараның салауатты өмір салтын қалыптастырудағы маңыздылығын атап өтті. Мектептің спорт алаңына жиналған қауым таңғы жаттығудан соң топтарға бөлініп, алуан түрлі спорттық жарыстар мен ойындарға белсене қатысты.
– Бүгін біз балаларымызбен бірге денсаулық күні аясындағы спорттық ойындарға қатысуға келдік. Ауа райы да, көңіл күйіміз де тамаша. Ашық аспан астында спортпен шұғылданып, жанұямызбен бірге уақытты көңілді өткізіп жатырмыз. Шараны ұйымдастырған мектебімізге алғысымыз шексіз, – деді ата-ана Раушан Түзелбаева.
Айта кету керек, Тараздағы Назарбаев Зияткерлік мектебі оқушы, ұстаз, ата-ана үштігінің басын қосатын түрлі спорттық іс-шараларды ұйымдастыруды дәстүрге айналдырған. Игі дәстүр алдағы уақытта да жалғасын табады дейді ұйымдастырушылар.
Қызықты әрі мазмұнды өткен Денсаулық күні қатысушылардың жаппай спорттық би билеуімен аяқталды.
Тараздағы NIS оқушылары XIX «Зерде» республикалық зерттеу жобалары мен шығармашылық жұмыстары байқауында жүлделі болды. 2–7-сынып оқушылары арасында өткен сайыста біздің зияткерлеріміз жаратылыстану-математика бағытта бақ сынады. Нәтижесінде, информатика робототехника Stem инженерия секциясынан Ақылбекұлы Даниал І орын және дәл осы бағытта Тындыбеков Альмухаммед І орын еншіледі. Жетекшілері: Джусамбаев М.Т және Елибаева А. Талаптарыңа нұр жаусын!
Жақында «Рухани жаңғыру» бағдарламасы аясында Әл-Фараби атындағы ҚазҰУ-дың 90 жылдығына арналған «ЖАС ӘЛ-ФАРАБИ» атты мектеп оқушыларының ғылыми-зерттеу жұмыстарының Х республикалық конференциясында Тараздағы НЗМ-нің оқушылары жүлделі орын мен алғыс хаттармен марапатталды. Конференция нәтижесінде Тәжіхан Қанат және Қалдыбай Барысхан І-орынды иеленді. Байқауға ұсынылған “Smart Trash Bin” жобасы. Оқушыларды үнемі үздік жобаларға дайындайтын жетекшілері: Рыбалкин М.А және Қасқарбаев […]
Астана қаласындағы халықаралық бакалавриат Назарбаев Зияткерлік мектебінің оқушыларының өзін-өзі басқару ұйымының ұйымдастыруымен өткен байқауда, мектебіміздің оқушысы Тәжіхан Мади жүлдеді – ІІ орынды жеңіп алды🔥 Екі кезеңнен құралған байқау «Күнделікті тапсырмаларды автоматтандыру» тақырыбында өтті. Іс-шараның негізгі мақсаты – автоматтандыру саласына қызығушылық пен дамуды ынталандыру, елдегі дизайн және IT бастамаларының өсуіне ықпал ету, сонымен қатар қатысушылардың өмір […]
Алматыда Haileybury мектебі базасында география және информатика пәндерінен республикалық олимпиаданың қорытынды кезеңі өтті. Олимпиадаға Назарбаев Зияткерлік мектептерінен қатысқан 22 оқушының барлығы жүлделі орындарға ие болып, NIS қоржыны 7 алтын, 10 күміс, 5 қола медальмен толықты. Соның ішінде Асылхан Смет-Географиядан күміс медаль; Әбдіманап Ермахан-Информатикадан қола медаль иегерлері атанды. Айта кетейік, республикалық олимпиадаға география және информатика пәндері бойынша […]
Техническая консультация НИШ ФМН г.Тараз. Выберите удобный для Вас способ связи.
