* Тіркеуге кешіккен үміткер тестке қатысуға жіберілмейді!!!

Тіркеу орталықтандырылған түрде Астана қ. уақытымен 09:31 және 14:31-де жабылады. Аталған уақыттан кейін үміткерлерді ары қарай тіркеу мүмкін болмайды.

Өзімен бірге алып келеді: фотосуреті бар рұқсаттама, қара пастасы бар шарикті қалам (гельді пастамен емес!). Заттаңбасы жоқ мөлдір ыдыстағы су шөлмегінің болуына жол беріледі.

Тестілеу кезінде үміткерге өзімен бірге әкелуге ТЫЙЫМ САЛЫНАДЫ: сөмкелер, кітаптар, ұялы телефондар, фото/бейне құрылғылар, калькуляторлар, смарт-сағаттар және басқа гаджеттер, ақпараттық-анықтамалық әдебиет, сөздіктер, сызғыштар, пеналдар, түзетуші сұйықтықтар, черновиктер және басқа да қосалқы электрондық құрылғылар.

Үміткерден тестілеу кезінде тыйым салынған заттар табылған жағдайда үміткер аудиториядан шығарылады және тестілеу нәтижелері жойылады.

Конкурс барысындағы үміткердің тәртіп ережесі

Конкурс барысында үміткерге келесілерге тыйым салынады:

• тесттерін ауыстыруға, біреуден көшіруге;
• шпаргалкадан көшіруге және/немесе шпаргалканы, ақпараттық-анықтамалық әдебиетті, аудармаларды, сызғыш, қаламсауытын, сонымен қатар басқа анықтамалық ақпараты бар құрылғыларды пайдалануға;
• ұялы телефондар, смарт-сағат және басқа гаджеттер, калькулятор басқа да ақпараттық-есептеуіш құралдарды алуға/қолдануға;
• жауап парағын уақыт өткен соң толтыруға, жауап парағын, тест жинағын аудиториядан алып шығуға.

Жоғарыда көрсетілген ережелерді бұзған жағдайда комиссия төрағасы тест үйлестірушісімен бірге үміткердің қатысуымен акт жасап үміткерді тест аудиториясынан шығарады. Үміткердің тест нәтижесі күшін жояды.

Сонымен қатар үміткерге келесіге тыйым салынады:

• рұқсатсыз және ертіп жүрусіз аудиториядан шығуға, басқа үміткерлермен сөйлесуге, бір орыннан екінші орынға ауысуға;
• жауап парағын шарлы қара қаламнан басқа гельді және басқа да сиялармен толтыруға, қарындаш пен түзету сұйықтықтарын қолдануға;
• бір тапсырмада екі және одан да көп жауап бояуға, жауапты толық боямауға (толық боямаған жағдайда немесе бір тапсырмаға бір жауаптан көп жауап боялса жауап есептелмейді);
• жауап парағында жауаптарды сызуға, жауап парағын ластауға, бүктеуге, жыртуға, жауап парағын шимайбет ретінде қолдануға, оған жазуға, тиісті секторларынан басқа парақтың бос жерлерін сызуға;
• рұқсат қағазын шимайбет ретінде пайдалануға.

 Конкурсты өткізу шарттары:

• үміткер тест күндері уақытылы тіркеуден өткен соң тестке жіберіледі;
• тіркеуге кешіккен үміткер тест тапсыруға жіберілмейді;
• тесттің бірінші күні болмаған үміткер екінші күні тестке жіберілмейді;
• тест аудиториясы мен отырғызу орны автоматты түрде бағдарламалық қамту арқылы жүзеге асырылады және 120 үміткерге дейін сыйдыра алады;
• үміткерлер үшін тестті орындау жөнінде видеонұсқау жүргізіледі, нұсқаулық мәтіні емтихандық материалдарда қайталанады;
• мектептің техникалық мүмкіндіктеріне байланысты үміткерлерді тестілеудің онлайн-таратылуы жүзеге асырылады.

Конкурс нәтижелерін тексеру шарттары:

Үміткерлердің кешенді тестілеулер нәтижелерін тексеру мен бағалау үміткерлер жауаптарының нәтижелерін аппеляция жүргізбей автоматтандырылған статистикалық өңдеу әдісімен шетелдік мекемелермен жүзеге асырылады.        Үміткерлердің жауаптары жауап парағынан есептеледі, тесттер жинағы қарастырылмайды. Тест нәтижелері соңғы кешенді тест өткен күннен бастап 40 күнтізбелік күннен кейін жарияланады.