Тараз қаласындағы Назарбаев Зияткерлік мектебінің оқушылары «Qazaq Star dance music festival» Халықаралық балалар және жасөспірімдер шығармашылығы байқауының екі Гран-при жүлдесін жеңіп алды.
Мектеп хореографы Аян Әуесбектің жетекшілігімен жеті бозбаладан құралған «Reflection» би тобы танымал кавказдық «Лезгинка» биін орындады. Қазылар алқасы ұжымның үйлесімді қозғалысы мен кәсібилігін жоғары бағалады. Жас бишілер байқаудың «Хореография»номинациясы бойынша Бас жүлдеге ие болды.
– Ұлдармен жұмыс жасау өте қиын екенін мойындау керек, өйткені олардың денесі көп би икемдеріне келе бермейді. Оларға музыкалық әрі ырғақты орындауды үйрете білу қажет. Таңдаған материалдары өте күрделі, грузин биі нақты орындауды талап етеді, бірақ олар жарады, өте жақсы орындап шыққан. Топқа шығармашылық табыстар тілеймін, – деді қазылар алқасының мүшесі, еңбек сіңірген хореограф Ольга Привалова.
Сондай-ақ, фестивальдің виртуалды сахнасында 10-сынып оқушысы Арайлым Баялы өнер көрсетті. Ол музыкалық жетекшісі Бауыржан Баймаханбетовпен бірге дайындалған «One Direction» тобының «Story Of My Life» әнін орындады. Қазылар алқасы оқушы қыздың жоғары орындаушылық шеберлігі мен әртістік қабілетін атап өтті. Осылайша, Арайлым мектептің марапат қоржынына «Вокал» номинациясы бойынша фестивальдің екінші Гран-приін салды.
– Арайлымның дауыс ырғағын біз вокал сабақтары кезінде жаттықтырдық. Дауысты ашу және күшейту үшін жеке жаттығулар жиынтығы таңдалды. Осы сынды вокал сабақтарында біз балалардың эстетикалық сезімдерін дамытуға, олардың білімін кеңейтуге, жоғары көркемдік талғамын тәрбиелеуге тырысамыз, – деген ойымен бөлісті мектептің музыкалық-көркемдік жетекшісі Бауыржан Баймаханбетов.
Тараздағы NIS оқушылары XIX «Зерде» республикалық зерттеу жобалары мен шығармашылық жұмыстары байқауында жүлделі болды. 2–7-сынып оқушылары арасында өткен сайыста біздің зияткерлеріміз жаратылыстану-математика бағытта бақ сынады. Нәтижесінде, информатика робототехника Stem инженерия секциясынан Ақылбекұлы Даниал І орын және дәл осы бағытта Тындыбеков Альмухаммед І орын еншіледі. Жетекшілері: Джусамбаев М.Т және Елибаева А. Талаптарыңа нұр жаусын!
Жақында «Рухани жаңғыру» бағдарламасы аясында Әл-Фараби атындағы ҚазҰУ-дың 90 жылдығына арналған «ЖАС ӘЛ-ФАРАБИ» атты мектеп оқушыларының ғылыми-зерттеу жұмыстарының Х республикалық конференциясында Тараздағы НЗМ-нің оқушылары жүлделі орын мен алғыс хаттармен марапатталды. Конференция нәтижесінде Тәжіхан Қанат және Қалдыбай Барысхан І-орынды иеленді. Байқауға ұсынылған “Smart Trash Bin” жобасы. Оқушыларды үнемі үздік жобаларға дайындайтын жетекшілері: Рыбалкин М.А және Қасқарбаев […]
Астана қаласындағы халықаралық бакалавриат Назарбаев Зияткерлік мектебінің оқушыларының өзін-өзі басқару ұйымының ұйымдастыруымен өткен байқауда, мектебіміздің оқушысы Тәжіхан Мади жүлдеді – ІІ орынды жеңіп алды🔥 Екі кезеңнен құралған байқау «Күнделікті тапсырмаларды автоматтандыру» тақырыбында өтті. Іс-шараның негізгі мақсаты – автоматтандыру саласына қызығушылық пен дамуды ынталандыру, елдегі дизайн және IT бастамаларының өсуіне ықпал ету, сонымен қатар қатысушылардың өмір […]
Алматыда Haileybury мектебі базасында география және информатика пәндерінен республикалық олимпиаданың қорытынды кезеңі өтті. Олимпиадаға Назарбаев Зияткерлік мектептерінен қатысқан 22 оқушының барлығы жүлделі орындарға ие болып, NIS қоржыны 7 алтын, 10 күміс, 5 қола медальмен толықты. Соның ішінде Асылхан Смет-Географиядан күміс медаль; Әбдіманап Ермахан-Информатикадан қола медаль иегерлері атанды. Айта кетейік, республикалық олимпиадаға география және информатика пәндері бойынша […]
Техническая консультация НИШ ФМН г.Тараз. Выберите удобный для Вас способ связи.
