Тараз қаласындағы Назарбаев Зияткерлік мектебінде Тұңғыш Президент күнін тойлау онкүндігі бастау алды. Мерекелік шаралар тізбегін жатақхана тәрбиешілерінің оқушылармен өткізген «Елбасы бастамасы Қазақстан тарихында» онлайн викторинасы ашты. Қатысушылар Н.Назарбаевтың өмір жолынан бастап, әлем тарихында қалатын бастамалары жайында сұрақтарға жарыса жауап берді.
Мерекелік жоспардағы бірегей әрі дәстүрлі шара – домбырашылар флешмобы. Қарашаның соңғы күні бір мезетте 30-ға жуық зияткер «Жастар биі» атты халық күйін Ютуб арнасының тікелей эфирінде ойнайтын болады. Жыл сайын флешмобта өңірлік Зияткерлік мектеп оқушылары тамылжыта күй тартып, ұлттық дәстүрді дәріптейді.
Сондай-ақ, мереке қарсаңында 700-ден астам тараздық зияткер «Әлеуметтік тәжірибелер – патриоттық тәрбиенің негізі» атты форумда бас қосады. Онда оқушылар әлеуметтік маңызды құндылықтар жайында сөз қозғайды.
Кезекті шаралардың бірі – «Тәуелсіз Қазақстанның қалыптасуындағы Ұлт көшбасшысы Н.А.Назарбаевтың рөлі» тақырыбына арналған онлайн телеэфир. Тікелей көрсетілімде оқушылар Елбасы өмірінен қызықты деректерімен бөліседі, ән мен би орындап, шағын қойылымдар қояды.
«Есті сөз – елге мұра, ұрпаққа өнеге» атты байқауында 7-сынып оқушылары Елбасының қанатты сөздерін жатқа айтудан өзара жарысқа түсетін болады. Жеңіске жеткен оқушылар Н.Назарбаевтың авторлығымен жазылған кітаптармен марапатталады.
Тұңғыш Президент күнін тойлау онкүндігі аясында «Менің елім, менің Қазақстаным!» тақырыбына арналған сурет және қолөнер жұмыстарының байқауын өткізу де жоспарланған. Байқау талабына сай, оқу ордасының жас суретшілері мен қолөнершілері өз туындыларын тарихи, мәдени салаға арнайды.
Сонымен қатар, оқушылар және шығармашылық бөлім бірлесе «Мәңгі Қазақстан» атты әлеуметтік бейнеролигін әзірлеуде. Олардың айтуынша, бейнежазба тамашалаушыға патриоттық рух беріп, ел мен жердің маңызын түсіндіруге бағытталған дейді.
Тізілген шаралар форматы биылғы жылы өзгерек. Барлығы да онлайн түрде, әлеуметтік платформалар көмегімен өткізілмек. Алайда, мерекенің маңызы мен мәніне еш кедергі келмейтіні сөзсіз.
Тараздағы NIS оқушылары XIX «Зерде» республикалық зерттеу жобалары мен шығармашылық жұмыстары байқауында жүлделі болды. 2–7-сынып оқушылары арасында өткен сайыста біздің зияткерлеріміз жаратылыстану-математика бағытта бақ сынады. Нәтижесінде, информатика робототехника Stem инженерия секциясынан Ақылбекұлы Даниал І орын және дәл осы бағытта Тындыбеков Альмухаммед І орын еншіледі. Жетекшілері: Джусамбаев М.Т және Елибаева А. Талаптарыңа нұр жаусын!
Жақында «Рухани жаңғыру» бағдарламасы аясында Әл-Фараби атындағы ҚазҰУ-дың 90 жылдығына арналған «ЖАС ӘЛ-ФАРАБИ» атты мектеп оқушыларының ғылыми-зерттеу жұмыстарының Х республикалық конференциясында Тараздағы НЗМ-нің оқушылары жүлделі орын мен алғыс хаттармен марапатталды. Конференция нәтижесінде Тәжіхан Қанат және Қалдыбай Барысхан І-орынды иеленді. Байқауға ұсынылған “Smart Trash Bin” жобасы. Оқушыларды үнемі үздік жобаларға дайындайтын жетекшілері: Рыбалкин М.А және Қасқарбаев […]
Астана қаласындағы халықаралық бакалавриат Назарбаев Зияткерлік мектебінің оқушыларының өзін-өзі басқару ұйымының ұйымдастыруымен өткен байқауда, мектебіміздің оқушысы Тәжіхан Мади жүлдеді – ІІ орынды жеңіп алды🔥 Екі кезеңнен құралған байқау «Күнделікті тапсырмаларды автоматтандыру» тақырыбында өтті. Іс-шараның негізгі мақсаты – автоматтандыру саласына қызығушылық пен дамуды ынталандыру, елдегі дизайн және IT бастамаларының өсуіне ықпал ету, сонымен қатар қатысушылардың өмір […]
Алматыда Haileybury мектебі базасында география және информатика пәндерінен республикалық олимпиаданың қорытынды кезеңі өтті. Олимпиадаға Назарбаев Зияткерлік мектептерінен қатысқан 22 оқушының барлығы жүлделі орындарға ие болып, NIS қоржыны 7 алтын, 10 күміс, 5 қола медальмен толықты. Соның ішінде Асылхан Смет-Географиядан күміс медаль; Әбдіманап Ермахан-Информатикадан қола медаль иегерлері атанды. Айта кетейік, республикалық олимпиадаға география және информатика пәндері бойынша […]
Техническая консультация НИШ ФМН г.Тараз. Выберите удобный для Вас способ связи.
