Бүгін Тараздағы Назарбаев Зияткерлік мектебінде үміткерлердің құжатын қабылдау басталды. Биылғы құжат қабылдау науқаны 2019 жылғы 18-желтоқсан мен 2020 жылғы 31-қаңтар аралығына жоспарланған.
Үміткерлердің алғашқы легі ата-аналарын ертіп құжат тапсыруға келіп жатыр. Бірі анасына ілессе, екіншісі атасы не апасы, болмаса әпке-ағаларымен келуде. Анасы немесе әкесі келмеген жағдайда, туысының қолында ата-анасынан берілген сенім хаты болуы шарт.
– Биылғы жылы құжаттар тізіміне біршама өзгертулер енген. Мәселен, үміткердің 3х4 см көлеміндегі суреті электронды түрде болуы керек. Болмаған жағдайда, фототүсірілімді құжат тапсыру кезінде қабылдау комиссиясы жасайды. Және өткен жылдардағыдай мекен-жай анықтамасы қажет емес, – дейді қабылдау комиссиясының мүшесі Нұржан Мырзаков.
Іріктеу конкурсына қатысу үшін қабылдау комиссиясына үміткер келесі құжаттарды тапсырады:
1) конкурсқа қатысу үшін өтініш беру;
3) үміткердің туу туралы куәлігінің көшірмесі, ЖСН-ы, заңды өкілінің ЖСН көрсетілген жеке куәлік көшірмесі;
4) 086/у медициналық анықтама формасы;
5) үміткердің соңғы оқу жылындағы үлгерімі мен тәртібі табелінің көшірмесі. Табель бала оқитын мектеп басшысының қолымен расталып, ұйымының мөрімен бекітілуі керек (ескерту: құжаттарды 6 сыныптың 1-ші жарты жылдығы аяқталғанға дейін тапсырсаңыз 5 сыныптың табелі қабылданады, 6 сыныптың 1-ші жарты жылдығы аяқталған соң тапсырсаңыз 6 сыныптың 1-ші жарты жылдық табелі қабылданады).
6) үміткердің графикалық файл түріндегі 1 МБ (мегабайт) кем емес көлемі 3х4 см. цифрлі фотосуреті немесе үміткердің фототүсірілімі құжат тапсыру кезінде қабылдау комиссиясында жасалынады.
Көрсетілген барлық құжаттар пластикалық тезтікпеге салынады. Үміткер құжаттарын белгіленген мерзімінен кешіктіріп өткізсе, немесе құжаттары толық болмаса қабылдау комиссиясы құжаттарды қабылдамауға толық құқылы.
Естеріңізге сала кетейік өткен жылы Тараздағы Назарбаев Зияткерлік мектебіне 1350 үміткердің құжаты қабылданып рекорд жасалған болатын. Солардың 184-і қазіргі таңда Тараз НЗМ-де білім алуда. Қабылдау комиссиясының мүшелері құжаттарды қазірден тапсыра беруге кеңес береді. Өйткені, уақыт өте тапсырушылар қарасы көбейіп ұзын сонар кезекті кұтіп қалуларыңыз әбден мүмкін дейді.
Тестілеу 2020 жылғы 14-15 наурыз күндері өтеді. Толық ақпаратты trz.nis.edu.kz веб-сайтының «Үміткерлерге» бөлімінен немесе 8 (726 2) 99 98 58 номері арқылы алуға болады.
🌱Халықаралық деңгейде тәжірибе алмасу. Осы жылдың тамыз айында қазақстандық делегация «Science on Stage Europe 2024» халықаралық STEAM мұғалімдер фестиваліне қатысты. Ұлттық делегация құрамына биология пәні мұғалімі Инна Валерьевна Аксёнова кірді, ол 2023 жылы халықаралық қазылар алқасымен ұлттық іріктеу кезеңінің жеңімпазы ретінде танылды. Инна Валерьевна халықаралық мектеп қауымдастығына өзінің «SMART WALL» авторлық жобасын ұсынды. Фестиваль аясында […]
🌱 Тараз NIS педагогтері халықаралық “WALS-2024” конференциясында. Қазақстан ТМД елдерінің ішінде бірінші болып Дүниежүзілік сабақты зерттеу қауымдастығының (World Association of Lesson Studies) халықаралық конференциясын өткізді. Ауқымды шара 30-ға жуық мемлекеттен келген танымал сарапшылар, ғалымдар, практик педагогтердің басын қосты. Астаналық WALS-2024 конференциясы заманауи педагогикадағы стратегиялық тренд «Сабақты зерттеу: үздік оқу мен оқытуға ұмтылу» тақырыбына арналған. Ұстаздарымыз жаһандық […]
🌱NIS оқушылары әлемде жоқ ақылды құрылғы ойлап тапты. Зияткерлер бірден екі жобаны ұсыну арқылы 2 млн жеңісті жобаларды қорғап шықты. 🌟 Ең алдымен 3 орынды иеленген Umit жобасы – мүмкіндігі шектеулі жандардың тәуелсіздігіне арналған инновациялық шешім! 🌟 Зияткерлер тілді қолдана отырып, цифрлық технологияларды басқаруға мүмкіндік беретін ерекше протез жасап шығарды.Енді ноутбук, телефон, кондиционер, теледидар, тіпті мүгедек арбасы да құрылғы арқылы толық басқаруға болады. Бұл – болашаққа жасалған қадам, онда технологиялар өмірді жеңілдетіп, қолжетімді етеді! Кезекті 3 орын Beelieve командасына Smart bee Hive жобасымен берілді — ара колонияларының денсаулығын сақтауға және бал өндірісін жақсартуға көмектесетін ақылды ара ұясы. Samsung-пен бірге біздің жобалар мыңдаған адамның болашағын өзгертеді деп сенеміз. Алға, жаңа жетістіктер мен инновациялар жолында! 🚀
📌 “Kiva буллингке қарсы бағдарламасын енгізу” тақырыбында аймақтық тренерлер педагогикалық кеңес өткізді. Жиын барысында қызметкерлерге толық түсіндірме жұмыстарын жүргізумен қатар, түрлі эмоциялық ойындар ұйымдастыру арқылы бағдарламаның маңыздылығын түсіндірді. Буллинг жағдайларындағы әрекеттер, хабарландырулар, пилоттық мектептерді оқыту, көмек көрсету сондай-ақ Kiva сабақтарының жоспарымен толықтай бөлісті.
Техническая консультация НИШ ФМН г.Тараз. Выберите удобный для Вас способ связи.
