Тараздағы Назарбаев Зияткерлік мектебінде дарынды балаларға арналған облыстық лицейлер мен мектептер арасындағы серіктестік аясында оқушылардың Достық спартакиадасы өтті.
Жарыс футбол, шахмат, тоғызқұмалақ,теннис және волейболдан өтіп, оған облыстық үш тілде оқытатын мектеп, «Білім-инновация лицей-интернаты, «Дарын» мектеп-интернаты, ІТ лицей және Тараздағы Назарбаев Зияткерлік мектебінің оқушылары қатысты.
Тартысты ойын нәтижесінде жалпы командалық есеппен ұлдар арасында 1-орынды «Білім-инновация лицей-интернаты, 2-орынды «Дарын» мектеп-интернаты иеленсе, Зияткерлік мектеп командасы 3-орынға жайғасты. Қыздар арасында НЗМ құрамасы бірінші орынмен топ жарса, екінші орыннан «Білім-инновация» лицей-интернатының қыздары көзге түсті. ІТ лицей оқушылары үшінші орынды місе тұтты.
Естеріңізге сала кетсек, дарынды балаларға арналған облыстық лицейлер мен мектептер арасындағы алғашқы спартакиада аталған оқу орындарының ата-аналары арасында өткен айда ұйымдастырылды. Дарынды балалар арасында достықты нығайтуды көздейтін игі шара Тараздағы Зияткерлік мектеп директоры Тимур Нуркешовтың бастамасымен қолға алынған болатын.
🌱Халықаралық деңгейде тәжірибе алмасу. Осы жылдың тамыз айында қазақстандық делегация «Science on Stage Europe 2024» халықаралық STEAM мұғалімдер фестиваліне қатысты. Ұлттық делегация құрамына биология пәні мұғалімі Инна Валерьевна Аксёнова кірді, ол 2023 жылы халықаралық қазылар алқасымен ұлттық іріктеу кезеңінің жеңімпазы ретінде танылды. Инна Валерьевна халықаралық мектеп қауымдастығына өзінің «SMART WALL» авторлық жобасын ұсынды. Фестиваль аясында […]
🌱 Тараз NIS педагогтері халықаралық “WALS-2024” конференциясында. Қазақстан ТМД елдерінің ішінде бірінші болып Дүниежүзілік сабақты зерттеу қауымдастығының (World Association of Lesson Studies) халықаралық конференциясын өткізді. Ауқымды шара 30-ға жуық мемлекеттен келген танымал сарапшылар, ғалымдар, практик педагогтердің басын қосты. Астаналық WALS-2024 конференциясы заманауи педагогикадағы стратегиялық тренд «Сабақты зерттеу: үздік оқу мен оқытуға ұмтылу» тақырыбына арналған. Ұстаздарымыз жаһандық […]
🌱NIS оқушылары әлемде жоқ ақылды құрылғы ойлап тапты. Зияткерлер бірден екі жобаны ұсыну арқылы 2 млн жеңісті жобаларды қорғап шықты. 🌟 Ең алдымен 3 орынды иеленген Umit жобасы – мүмкіндігі шектеулі жандардың тәуелсіздігіне арналған инновациялық шешім! 🌟 Зияткерлер тілді қолдана отырып, цифрлық технологияларды басқаруға мүмкіндік беретін ерекше протез жасап шығарды.Енді ноутбук, телефон, кондиционер, теледидар, тіпті мүгедек арбасы да құрылғы арқылы толық басқаруға болады. Бұл – болашаққа жасалған қадам, онда технологиялар өмірді жеңілдетіп, қолжетімді етеді! Кезекті 3 орын Beelieve командасына Smart bee Hive жобасымен берілді — ара колонияларының денсаулығын сақтауға және бал өндірісін жақсартуға көмектесетін ақылды ара ұясы. Samsung-пен бірге біздің жобалар мыңдаған адамның болашағын өзгертеді деп сенеміз. Алға, жаңа жетістіктер мен инновациялар жолында! 🚀
📌 “Kiva буллингке қарсы бағдарламасын енгізу” тақырыбында аймақтық тренерлер педагогикалық кеңес өткізді. Жиын барысында қызметкерлерге толық түсіндірме жұмыстарын жүргізумен қатар, түрлі эмоциялық ойындар ұйымдастыру арқылы бағдарламаның маңыздылығын түсіндірді. Буллинг жағдайларындағы әрекеттер, хабарландырулар, пилоттық мектептерді оқыту, көмек көрсету сондай-ақ Kiva сабақтарының жоспарымен толықтай бөлісті.
Техническая консультация НИШ ФМН г.Тараз. Выберите удобный для Вас способ связи.
