Сарысу ауданындағы ЖМ мұғалімдеріне әдістемелік десант өткізілді

2019 жылдың 28 қарашасы күні Тараз қ. Зияткерлік мектеп мұғалімдері мен ПШО Тараз қ. филиалының әдістемелік ортылығы  Сарысу ауданында әдістемелік десант өткізіп қайтты. Іс-шараға 153 мұғалім қатысып, шеберлік-сыныптар мен сабақтардан тәжірибе шыңдады.

Десант критериалды бағалау жүйесінің тәжірибеге енгізілу жолдарын қарастыру мақсатында ұйымдастырылды. Сарысу ауданындағы М. Әуезов атындағы мектеп-гимназиясында өткен әдістемелік күнге пән мұғалімдерінен бөлек директордың орынбасарлары мен үйлестірушілер қатысты.

Практикалық бөлімде іс-шараға қатысушы мұғалімдер Зияткерлік мектеп ұстаздарымен жұптаса сабақ өткізді. Артынша НЗМ мұғалімдері “Сабақта қалыптастырушы бағалауды жүргізудің тиімді жолдары ” тақырыбында шеберлік сағаттарын өткізіп, тәжірибемен ұштастыруға жағдай жасады.

Сонымен қатар, Назарбаев Зияткерлік мектебі директорының даму бойынша орынбасары Әлия Жусанбаева директордың орынбасарлары мен үйлестірушілеріне мұғалімнің кәсіби даму жұмысын ұйымдастыру бойынша семинар өткізді. ПШО филиалының менеджер-әдіскері Тұрысбекова Н.М. ” Педагогтардың кәсіби дамуына жетекші және серіктес мектептерді желілік өзара әрекеттесуі ” тақырыбында шеберлік сынып өткізді.

Іс-шара барысында «Қазақстан Республикасында орта білім мазмұнын жаңартуды қолдауды мектеп қызметінде ұйымдастыру туралы» нұсқаулық хатына сәйке Жетекші мектеп қызметінің мақсаты, міндеттері қаралды. Жалпы ережелерге байланысты Жетекші мектептің функциялары талқыланды.