Бүгін Тараз қаласындағы Назарбаев Зияткерлік мектебінде «Саналы ұрпақ – жарқын болашақ» тақырыбында Білім күні аталып өтті.
Қызыққа толы жазғы маусымнан соң оқушылар жаңа білім мен жаңа жетістіктер жылына қайта аяқ басты. Жаз бойы олар «Екі апта ауылда», «10 күн ата-ана жұмысында» мектеп жобаларына белсене қатысып, ауыл өмірімен танысып, ата-аналарының жұмысы туралы көптеген қызықты мәліметтер алды.
Өткен оқу жылының қорытындысы бойынша үздік жетістіктері үшін 10-сынып оқушысы Әлихан Қалмаханбет АҚШ-тың Стэнфорд университетінде жазғы курсқа қатысып қайтты. Ал «Азат» мектеп шаңырағы «Туған елге тағзым» зерттеу-өлкетану экспедициясы аясында екі апта Атырау өңірінде болды.
Осы жазда алғаш рет «Назарбаев Зияткерлік мектептері» дербес білім беру ұйымы шетелдік қазақ диаспорасының балалары үшін «Ұлы дала ұрпағы» жазғы мектебін ұйымдастырды. Елордада Ресей, Иран, Моңғолия, Түркіменстан, Тәжікстан, Өзбекстан және Қырғызстаннан 150 оқушы жиналды. Жазғы мектеп аясында балалар Тәуелсіз Қазақстанның жетістіктерімен танысты.
Алдағы оқу жылы да маңызды әрі мазмұнды оқиғаларға толы болмақ. Өйткені, 2020 жылы Ұлы Отан Соғысының аяқталғанына 75 жыл толады. Оқушыларды Ұлы Отан соғысы батырларының мысалында тәрбиелеу патриоттық тәрбие бойынша жұмыстың басты бағыты болуы тиіс.
2020 жыл Қазақстанда еріктілер жылы деп жарияланғанын да атап өту қажет. «Еріктілік – бұл шынайы патриотизмнің бейнесі, өйткені сіздер өз еліне қызмет етудің игі идеясын, халқыңыз үшін жақсы әрі ыңғайлы жағдай жасауды көздейсіз», – деп атап өтті Қазақстан Президенті Қасымжомарт Тоқаев 20-21 мамыр аралығында Қостанайда өткен Ресей-Қазақстан жастар ынтымақтастығы форумында. Сондай-ақ, 2020 жылы мектеп барлық қазақстандықтармен бірге ұлы жазушы Абай Құнанбаевтың 175 жылдық мерейтойын атап өтеді.
Биылғы оқу жылында Тараз қаласындағы Назарбаев Зияткерлік мектебінің оқушылары қатарына 140 «Өркен» білім грантының иегері қабылданды. Мектеп директоры Тимур Нуркешов өз сөзінде мектеп қауымына жаңа оқу жылында жемісті еңбек етіп, биік белестерге жете берулеріне тілектестігін білдірді.
Салтанатты жиын аяқталғаннан кейін барлық сыныптарда «Саналы ұрпақ-жарқын болашақ» тақырыбында азаматтылық пен патриотизмнің жалпы республикалық сабақтары өтті.
2018-2019 оқу жылында Тараздық Зияткерлік мектебін 88 түлек аяқтады. Назарбаев Университетіне 31 оқушы түссе, 47 оқушы отандық басқа да беделді университеттерді таңдаған. 10 оқушы Венгрияның, Сингапурдың, Испанияның, Ресей мен Қырғызстанның ЖОО-на шақырту алған.
🌱Халықаралық деңгейде тәжірибе алмасу. Осы жылдың тамыз айында қазақстандық делегация «Science on Stage Europe 2024» халықаралық STEAM мұғалімдер фестиваліне қатысты. Ұлттық делегация құрамына биология пәні мұғалімі Инна Валерьевна Аксёнова кірді, ол 2023 жылы халықаралық қазылар алқасымен ұлттық іріктеу кезеңінің жеңімпазы ретінде танылды. Инна Валерьевна халықаралық мектеп қауымдастығына өзінің «SMART WALL» авторлық жобасын ұсынды. Фестиваль аясында […]
🌱 Тараз NIS педагогтері халықаралық “WALS-2024” конференциясында. Қазақстан ТМД елдерінің ішінде бірінші болып Дүниежүзілік сабақты зерттеу қауымдастығының (World Association of Lesson Studies) халықаралық конференциясын өткізді. Ауқымды шара 30-ға жуық мемлекеттен келген танымал сарапшылар, ғалымдар, практик педагогтердің басын қосты. Астаналық WALS-2024 конференциясы заманауи педагогикадағы стратегиялық тренд «Сабақты зерттеу: үздік оқу мен оқытуға ұмтылу» тақырыбына арналған. Ұстаздарымыз жаһандық […]
🌱NIS оқушылары әлемде жоқ ақылды құрылғы ойлап тапты. Зияткерлер бірден екі жобаны ұсыну арқылы 2 млн жеңісті жобаларды қорғап шықты. 🌟 Ең алдымен 3 орынды иеленген Umit жобасы – мүмкіндігі шектеулі жандардың тәуелсіздігіне арналған инновациялық шешім! 🌟 Зияткерлер тілді қолдана отырып, цифрлық технологияларды басқаруға мүмкіндік беретін ерекше протез жасап шығарды.Енді ноутбук, телефон, кондиционер, теледидар, тіпті мүгедек арбасы да құрылғы арқылы толық басқаруға болады. Бұл – болашаққа жасалған қадам, онда технологиялар өмірді жеңілдетіп, қолжетімді етеді! Кезекті 3 орын Beelieve командасына Smart bee Hive жобасымен берілді — ара колонияларының денсаулығын сақтауға және бал өндірісін жақсартуға көмектесетін ақылды ара ұясы. Samsung-пен бірге біздің жобалар мыңдаған адамның болашағын өзгертеді деп сенеміз. Алға, жаңа жетістіктер мен инновациялар жолында! 🚀
📌 “Kiva буллингке қарсы бағдарламасын енгізу” тақырыбында аймақтық тренерлер педагогикалық кеңес өткізді. Жиын барысында қызметкерлерге толық түсіндірме жұмыстарын жүргізумен қатар, түрлі эмоциялық ойындар ұйымдастыру арқылы бағдарламаның маңыздылығын түсіндірді. Буллинг жағдайларындағы әрекеттер, хабарландырулар, пилоттық мектептерді оқыту, көмек көрсету сондай-ақ Kiva сабақтарының жоспарымен толықтай бөлісті.
Техническая консультация НИШ ФМН г.Тараз. Выберите удобный для Вас способ связи.
