Қуанышты жаңалық! Тараз қаласы, физика-математика бағытындағы Назарбаев Зияткерлік мектебінің екі мұғалімі республикалық «Үздік педагог-2021» республикалық конкурсының жүлдегері атанды: тарих пәнінің мұғалім-сарапшысы Исатаева Любовь Жантаевна және қазақ тілі және әдебиеті пәнінің мұғалім-сарапшысы Молдабек Эльмира Жандарқызы.
Исатаева Любовь Жантаевна – өзінің іс -тәжірибесінде оқыту мен тәрбиелеудің жаңа әдіс – тәсілдерін, атап айтар болсақ: жеке тұлғаның дамуына бағытталған оқыту элементтерін, саралап оқыту және жобалық оқытуды белсенді қолданатын мұғалімдердің бірі. Любовь Жантаевна оқу үрдісіне жаңалықтарды ендіріп қана қоймай өзінің педагогикалық тәжірибесін облыстық, республикалық және халықаралық деңгейде бөлісіп жүрген ұстаз. Сонымен қатар «Жамбыл облысының тарихи – мәдени өлкетануы» авторлық элективті курсын жүргізіп, оқушылардың зерттеушілік дағдыларын дамытуға көңіл бөледі. Бүгінгі таңда ұстаз оқушыларының: 10-ы «Дарын» республикалық ғылыми зерттеу конкурсының жеңімпаздары, 15-і халықаралық конкустардың жеңімпаздары, 8 оқушысы әр түрлі пәндік конкурстардың жеңімпаздары болып табылады
Молдабек Эльмира Жандарқызы- «Сабақта оқушылардың дарындылығын дамыту» зерттеу тобының көшбасшысы, тренері бола отырып, Назарбаев Зияткерлік мектептерінің тәжірибесін жалпы білім беретін мектептерге таратуда белсенді жұмыс атқаратын ұстаздардың бірі. Эльмира Жандаркызы өзінің авторлық «Шерхантану» курсында оқушылардың сыни жазу, сөйлеу және зерттеу дағдыларын дамытуға көп көңіл бөледі. Ұстаздың оқушылары бүгінгі таңда республикалық және аймақтық конкурстардың жеңімпаздары атанды. Қашықтан оқыту жағдайында екі ұстаз «Ауылдық мектеп» жобасы аясында мұғаілімдерге жан- жақты әдістемелік көмек көрсетті.
Ұстаздарымызға мықты денсаулық пен толағай кәсіби табыстар тілейміз!
🌱Халықаралық деңгейде тәжірибе алмасу. Осы жылдың тамыз айында қазақстандық делегация «Science on Stage Europe 2024» халықаралық STEAM мұғалімдер фестиваліне қатысты. Ұлттық делегация құрамына биология пәні мұғалімі Инна Валерьевна Аксёнова кірді, ол 2023 жылы халықаралық қазылар алқасымен ұлттық іріктеу кезеңінің жеңімпазы ретінде танылды. Инна Валерьевна халықаралық мектеп қауымдастығына өзінің «SMART WALL» авторлық жобасын ұсынды. Фестиваль аясында […]
🌱 Тараз NIS педагогтері халықаралық “WALS-2024” конференциясында. Қазақстан ТМД елдерінің ішінде бірінші болып Дүниежүзілік сабақты зерттеу қауымдастығының (World Association of Lesson Studies) халықаралық конференциясын өткізді. Ауқымды шара 30-ға жуық мемлекеттен келген танымал сарапшылар, ғалымдар, практик педагогтердің басын қосты. Астаналық WALS-2024 конференциясы заманауи педагогикадағы стратегиялық тренд «Сабақты зерттеу: үздік оқу мен оқытуға ұмтылу» тақырыбына арналған. Ұстаздарымыз жаһандық […]
🌱NIS оқушылары әлемде жоқ ақылды құрылғы ойлап тапты. Зияткерлер бірден екі жобаны ұсыну арқылы 2 млн жеңісті жобаларды қорғап шықты. 🌟 Ең алдымен 3 орынды иеленген Umit жобасы – мүмкіндігі шектеулі жандардың тәуелсіздігіне арналған инновациялық шешім! 🌟 Зияткерлер тілді қолдана отырып, цифрлық технологияларды басқаруға мүмкіндік беретін ерекше протез жасап шығарды.Енді ноутбук, телефон, кондиционер, теледидар, тіпті мүгедек арбасы да құрылғы арқылы толық басқаруға болады. Бұл – болашаққа жасалған қадам, онда технологиялар өмірді жеңілдетіп, қолжетімді етеді! Кезекті 3 орын Beelieve командасына Smart bee Hive жобасымен берілді — ара колонияларының денсаулығын сақтауға және бал өндірісін жақсартуға көмектесетін ақылды ара ұясы. Samsung-пен бірге біздің жобалар мыңдаған адамның болашағын өзгертеді деп сенеміз. Алға, жаңа жетістіктер мен инновациялар жолында! 🚀
📌 “Kiva буллингке қарсы бағдарламасын енгізу” тақырыбында аймақтық тренерлер педагогикалық кеңес өткізді. Жиын барысында қызметкерлерге толық түсіндірме жұмыстарын жүргізумен қатар, түрлі эмоциялық ойындар ұйымдастыру арқылы бағдарламаның маңыздылығын түсіндірді. Буллинг жағдайларындағы әрекеттер, хабарландырулар, пилоттық мектептерді оқыту, көмек көрсету сондай-ақ Kiva сабақтарының жоспарымен толықтай бөлісті.
Техническая консультация НИШ ФМН г.Тараз. Выберите удобный для Вас способ связи.
