Құрметті ата-аналар!

 2018-2019 оқу жылында мектеп жанындағы жатақханада 2 (екі) орын босауына байланысты (1 қыз, 1 ұл) жатақханаға орналасу үшін ата-аналар өтініші мен тиісті құжаттар 2019 жылғы 26-30 наурыз аралығында қабылданатынын ескертеміз.

Құжаттар сейсенбі – сенбі күндері сағат 09:00-18:00 аралығында (түскі үзіліс сағат 13:00-14:00) қабылданады. Жексенбі – демалыс.

Өтініш беруші ата-ана келесі құжаттарды бірге тапсырады:

1. Оқушының және заңды тұлғаларының (ата-анасы, асырап алушы, ҚР заңдарына сай оқушының құқығын қорғаушы, оқушыға қамқорлық көрсетуші, оның білім алуы мен тәрбиесіне жауапты тұлғалар) «Халыққа қызмет көрсету орталығынан» алынған мекен-жайы туралы анықтамалары.

Бұл жерде мекен-жай бойынша тіркелген уақыты 1 жылдан кем емес болуы шарт;  бұл талаптар төменде көрсетілген жағдайларды қоспағанда, Назарбаев Зияткерлік мектебінің орналасқан жерінен алыс аймақтарда тұратын азаматтарға қатысты болады:

–  оқушының  ата-анасының жұмыс бабымен немесе отбасылық жағдайына байланысты мекен-жайы ауысқан болса, ата-анасының басқа жұмыс орнына ауысқандығы туралы бұйрық және келісім-шарт көшірмесін бірге тапсыруы қажет;

–   мекен-жайы ауысқан болса, оқушының және оның заңды өкілдерінің мекен-жайы ауысқаны туралы растайтын құжаттар (мекен-жайы туралы анықтама, селолық округ әкімшілігінен мекен-жайы ауысқандығы жөнінде анықтама тапсыруы қажет).

2. Заңды тұлғалардың еңбекақысы туралы анықтамалары, зейнетақылық аударымы туралы соңғы 6 айдың көшірмесі. Заңды тұлғалары жұмыссыз болған жағдайда жұмыссыз ретінде тіркелгендігі туралы жергілікті атқарушы органның анықтамасы;
3. Балаларының тууы туралы куәліктерінің нотариалды куәландырылған көшірмесі (көпбалалы отбасылар үшін);
4. Заңды тұлғалары І,ІІ,ІІІ топ мүгедегі болған жағдайда мүгедектігі туралы анықтама;
5. Аз қамтылған отбасы ретінде мемлекеттік атаулы әлеуметтік көмек алатындығы туралы анықтама.

5.1. Арыз беруші мен отбасының тұрмысы қолайсыз отбасы ретінде тіркелгендігін растайтын ішкі істер бөлімінің немесе жергілікті атқарушы органдардың берген анықтамасы (болған жағдайда);

5.2. Оқушының 5 бөлімде көрсетілген жағдайларға жатататындығын растайтын басқа да құжаттар.

Жатақханадан орын алуға құқығы басым деп есептелетін оқушылар:

• балалар үйінде тәрбиеленген оқушылар;
• жетім балалар және ата-анасының қамқорлығынан айрылған балалар;
• заңды тұлғалары І , ІІ және ІІІ топ мүгедектері болса;
• аз қамтылған отбасының балалары, оның ішінде:
• өздерімен бірге тұратын 4 және одан да көп кәмелетке толмаған балалары бар көп балалы отбасының балалары;
• толық емес отбасының балалары, яғни баланы ата-анасының біреуі ғана тәрбиелейтін болса, оның ішінде ажырасқан немесе жесір қалған жағдайда болса.

          P.S. Орын алу құқығы басым деп табылған бірнеше оқушының жағдайы бірдей болса, орын беру барысында арыз берген күні мен уақыты ескеріледі.

Жатақханадан орын алуға құқығы басым оқушылардың қатарына енбеген оқушыларға орын өтініш тапсырған күні мен уақытына сәйкес кезегімен беріледі.

Жатақханаға қабылдау тәртібі 

Мектеп директорының бұйрығымен оқушыларға жатақханадан орын беру үшін комиссия жасақталады.

Комиссия жоғарыда көрсетілген құжаттарға, Назарбаев Зияткерлік мектептерінің жатақхана қызметін ұйымдастыру туралы Ережесіне сүйене отырып оқушыларға орын береді.

Қажет болған жағдайда комиссия мүшелері қажетті деректерді, отбасының тұрмыстық ахуалын анықтауға шыға алады.

Құрметті ата-аналар! 

Оқушыларға мектеп жатақханасынан орын бөлу комиссиясының шешімі сіздердің көрсеткен телефон нөмірлеріңізге хабарланады.

«Тараз  қаласындағы физика-математикалық бағыттағы Назарбаев Зияткерлік мектебінің» мекен-жайы: Тараз қаласы,  Домалақ ана көшесі №266