Тараз қаласы Зияткерлік мектебінің 9-сынып оқушысы Еламан Сұлтан балалар және жастардың қоршаған ортаны қорғау мәселелері бойынша ғылыми-зерттеу жобаларының “Адам – Жер – Ғарыш” (“Созвездие”) ХІХ Жалпыресейлік Олимпиадасына қатысып, “Ғарыштық зертхана” номинациясы бойынша екінші орынға ие болды.
Сұлтан көп реттік пайдалануға арналған екі ракетопланы бар ауыр жүк көтергіш зымырантасығыштың симметриялы конструкциясын құрастырды. Сондай-ақ, ол жанармайды үнемдеуге, пайдалы жүк массасын арттыруға, алыс ғаламшарларға ұшуға, Ай бетінен гелий -3-ті тасымалдауға, сонымен қатар, жер орбитасындағы “ғарыш қоқысы” мөлшерін азайтуға мүмкіндік беретін зымырантасығыштың ұшу және қону схемасын ұсынды.
Жыл бойы физика пәні мұғалімдерінің басшылығымен Сұлтан ғарыштық ұшу теориясын зерттеп, әдебиет көздерін талдады. Қосымша білім беру педагогы, әрі Сұлтанның ғылыми жетекшісі Владимир Корчагин оның құрастыру қабілеті өте жоғары екендігін айтады. Осыған дейін де ол Назарбаев Зияткерлік мектептері оқушыларының VI Наурыз кездесулерінде үздік ракета үлгісін ұсынып, жүлделі бірінші орын алған.
Шығармашылық жарысқа Ресей және Қазақстан аумағынан 10 және 18 жас аралығындағы 300-ге жуық оқушы қатысты. “Созвездие” Олимпиадасының басымдықтарының бірі, оқушылар ұсынған ең перспективалы жобалар ғарыш жағдайында сынақтар жүргізу үшін орбитаға жіберіледі.
Дәстүрлі Олимпиада 1999 жылдан бері Оқыту жүйелерінің халықаралық орталығы және Ю. А. Гагарин атындағы Ғарышкерлерді даярлау Ресей мемлекеттік ғылыми-зерттеу сынақ орталығы жанындағы ЮНЕСКО Халықаралық кафедрасы бастамасымен жүзеге асырылуда.
Олимпиада мақсаты экологиялық білімді, сауатты эстетикалық талғамға ие, қоршаған ортаны қорғау шараларына белсенді араласуға ынталы 21 ғасырдың шығармашылық жан-жақты дамыған, үйлесімді тұлғасын қалыптастыруға бағытталған.
Тараздағы NIS оқушылары XIX «Зерде» республикалық зерттеу жобалары мен шығармашылық жұмыстары байқауында жүлделі болды. 2–7-сынып оқушылары арасында өткен сайыста біздің зияткерлеріміз жаратылыстану-математика бағытта бақ сынады. Нәтижесінде, информатика робототехника Stem инженерия секциясынан Ақылбекұлы Даниал І орын және дәл осы бағытта Тындыбеков Альмухаммед І орын еншіледі. Жетекшілері: Джусамбаев М.Т және Елибаева А. Талаптарыңа нұр жаусын!
Жақында «Рухани жаңғыру» бағдарламасы аясында Әл-Фараби атындағы ҚазҰУ-дың 90 жылдығына арналған «ЖАС ӘЛ-ФАРАБИ» атты мектеп оқушыларының ғылыми-зерттеу жұмыстарының Х республикалық конференциясында Тараздағы НЗМ-нің оқушылары жүлделі орын мен алғыс хаттармен марапатталды. Конференция нәтижесінде Тәжіхан Қанат және Қалдыбай Барысхан І-орынды иеленді. Байқауға ұсынылған “Smart Trash Bin” жобасы. Оқушыларды үнемі үздік жобаларға дайындайтын жетекшілері: Рыбалкин М.А және Қасқарбаев […]
Астана қаласындағы халықаралық бакалавриат Назарбаев Зияткерлік мектебінің оқушыларының өзін-өзі басқару ұйымының ұйымдастыруымен өткен байқауда, мектебіміздің оқушысы Тәжіхан Мади жүлдеді – ІІ орынды жеңіп алды🔥 Екі кезеңнен құралған байқау «Күнделікті тапсырмаларды автоматтандыру» тақырыбында өтті. Іс-шараның негізгі мақсаты – автоматтандыру саласына қызығушылық пен дамуды ынталандыру, елдегі дизайн және IT бастамаларының өсуіне ықпал ету, сонымен қатар қатысушылардың өмір […]
Алматыда Haileybury мектебі базасында география және информатика пәндерінен республикалық олимпиаданың қорытынды кезеңі өтті. Олимпиадаға Назарбаев Зияткерлік мектептерінен қатысқан 22 оқушының барлығы жүлделі орындарға ие болып, NIS қоржыны 7 алтын, 10 күміс, 5 қола медальмен толықты. Соның ішінде Асылхан Смет-Географиядан күміс медаль; Әбдіманап Ермахан-Информатикадан қола медаль иегерлері атанды. Айта кетейік, республикалық олимпиадаға география және информатика пәндері бойынша […]
Техническая консультация НИШ ФМН г.Тараз. Выберите удобный для Вас способ связи.
