2018 жылдың 21-23 қазан аралығында Алматы қаласындағы химия-биологиялық бағыттағы Назарбаев Зияткерлік мектебінің базасында жалпы білім беретін пәндер бойынша республикалық ғылыми жобалар байқауының желілік кезеңі өтті.

Мектептің жас зерттеушілері 6 секция бойынша 7 жобаны ұсынды: техника, информатика, химия, қоршаған ортаны қорғау, тарих және өлкетану.

Желілік байқаудың қорытындысы бойынша 3 жоба жүлделі орынға ие болды:

– II дәрежелі диплом – Баймахан Мөлдір, Сыдыков Абылай “Ботамойнақ (Жамбыл облысы) жеріндегі петроглифтер негізінде қола дәуірінің тарихи-мәдени моделін қайта құру” жобасымен, жетекшісі – Исатаева Л. Ж., тарих пәні мұғалім-сарапшысы;

– III дәрежелі диплом – Зуфаров Файми, “Жамбыл облысы Жамбыл ауданының ауыл шаруашылық жерлері топырағының құнарлылығын биологиялық-экологиялық бағалау” жобасымен, жетекшісі – Аксенова И. В., биология пәні мұғалімі-сарапшысы;

– III дәрежелі диплом – Бостан Ақтоты, Мирзабаева Аружан “Тараз қалашығының археологиялық олжаларын интерпретациялау” жобасымен, жетекшісі – Исатаева Л. Ж., тарих мұғалімі-сарапшы.

Келесі оқушылар жалпы білім беретін пәндер бойынша республикалық ғылыми жобалар байқауының желілік кезеңіне қатысушы сертификаттарымен марапатталды:

1. Тенельбаев Дәурен, Қалмаханбет Бекнұр “Жамбыл облысында жануарлардың жүріп-тұру мониторингінің автономды құрылғысы (жылқы үлгісінде)” жобасымен;
2. Дүйсебай Ернар “Төтенше жағдай туралы хабарламаның мобильді жүйесі” жобасымен;
3. Оңласын Саяжан “Arduinо есептеу платформасы базасында өртті қашықтықтан хабарлау жүйесі бар портативті құрылғы” жобасымен;
4. Даниярқызы Айдана, Сұлтанбай Азамат “Золь-гель әдісімен алынған сульфид кадмий негізіндегі заттарды синтездеу және зерттеу.

Желілік кезеңнің жеңімпаздары қазылар алқасының шешімі бойынша республикалық ғылыми жобалар байқауына шақырылады.

Жүлдегерлерді жеңісімен құттықтаймыз және келесі кезеңдерде табыс тілейміз!